ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿ ԵՆԹԱԿԱՌՈՒՑՎԱԾՔՆԵՐԻ ԵՎ ԲՆԱԿԱՆ ՊԱՇԱՐՆԵՐԻ ՆԱԽԱՐԱՐՈՒԹՅՈՒՆ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿ ԵՆԹԱԿԱՌՈՒՑՎԱԾՔՆԵՐԻ ԵՎ ԲՆԱԿԱՆ ՊԱՇԱՐՆԵՐԻ ՆԱԽԱՐԱՐՈՒԹՅՈՒՆ
Երևանում սկսվել է “Էներգետիկայի շաբաթ 2014”
ՀՀ էներգետիկայի և բնական պաշարների նախարար Երվանդ Զախարյանը հուլիսի 2-ին մասնակցել է “Էներգետիկայի շաբաթ 2014” միջոցառման բացմանը: Նախարարը շրջել է միջոցառման շրջանակներում կազմակերպված ցուցահանդեսի տաղավարներում, ծանոթացել է էներգետիկ ոլորտի՝ մասնավորապես էներգախնայողության և վերականգնվող էներգետիկայի բնագավառում ներկայացված հայաստանյան շուկայի առաջարկներին:
Հայաստանի վերականգնվող էներգետիկայի և էներգախնայողության հիմնադրամի տնօրեն Թամարա Բաբայանը միջոցառման բացմանը նշել է, որ “Էներգետիկայի շաբաթ 2014”– ի շրջանակներում նախատեսված միջոցառումներն ու քննարկումներն ուղղված են Հայաստանում էներգախնայողության և վերականգնվող էներգետիկայի ոլորտում վերջին զարգացումներին, ներառյալ՝ օրենսդրական բարեփոխումները, ֆինանսավորման հնարավորությունները, տեխնոլոգիական նորույթներն ու ապագայի ծրագրերը:
Նրա խոսքով՝ “Էներգետիկայի շաբաթ 2014”-ի նպատակն է էապես բարելավել և զարգացնել էներգետիկ դաշտը Հայաստանում, քննարկել առկա ձեռքբերումները, ներդրումային հնարավորությունները, բացահայտել ոլորտի զարգացման խոչընդոտները և նախանշել դրանց հաղթահարման ուղիները:
ՀՀ էներգետիկայի և բնական պաշարների նախարար Երվանդ Զախարյանը ողջունել է “Էներգետիկայի շաբաթ 2014”-ի նախաձեռնողներին ու մասնակիցներին և նշել, որ նման միջոցառումները շատ կարևոր են ոլորտի զարգացման ու առաջընթացի համար: