Դեպի վեր

Հայ |  Рус |  Eng

18.07.2014

ՇՆՈՐՀԱՎՈՐԱՆՔ

ՇՆՈՐՀԱՎՈՐԱՆՔ

  

Հուլիսի 20-ը Հանքագործի և մետալուրգի օրն է:

 

 

 

Յուրաքանչյուր տարվա հուլիսի երրորդ կիրակի օրը նշվում է որպես Հանքագործի և մետալուրգի օր:

 

Հուլիսի 20-ը հանրապետության արդյունաբերության, տնտեսության զարգացման մեջ մեծ ավանդ և ներդրումներ ունեցող աշխատողների մասնագիտական տոնն է:

Օրը տոնական է բոլոր նրանց համար, ովքեր զբաղվում են օգտակար հանածոների արդյունահանմամբ, ում աշխատանքը կապված է բնական հարստությունների համար բնության հետ պայքարի դժվարին գործի հետ: Հանքարդյունաբերությունն էական նշանակություն ունի Հայաստանի զարգացող տնտեսության համար: Դրա վառ ապացույցն այն է, որ այս ոլորտում տարեցտարի ավելանում են աշխատատեղերը, արտադրական հզորություններն ու ներդրումները:

 

Հայաստանի Հանրապետության էներգետիկայի և բնական պաշարների նախարարությունը  շնորհավորում է հանրապետության  հանքագործներին և մետալուրգներին` մասնագիտական տոնի կապակցությամբ: Մաղթում ենք առողջություն, մասնագիտական նոր հաջողություններ` ի նպաստ Հայաստանի  տնտեսության համար կարևորագույն  նշանակություն ունեցող հանքարդյունաբերության ոլորտի զարգացմանը:

 

 

 

ՀՀ էներգետիկայի և բնական պաշարների նախարար

 

Երվանդ Զախարյան