Քննարկում՝ կլոր սեղանի շուրջ. նախարար Գրիգորյանը լսել է էներգետիկայի ոլորտի մասնագետներին

Հունիսի 30-ին տեղի է ունեցել ՀՀ էներգետիկ ենթակառուցվածքների և բնական պաշարների նախարար Արթուր Գրիգորյանի նախաձեռնած «Կլոր սեղանի շուրջ  հանդիպում-քննարկում»-ը էներգետիկայի բնագավառի մասնագետների հետ:

Ավելի քան երեք ժամ տևած հանդիպման ընթացքում տեղի է ունեցել մտքերի փոխանակում, ոլորտի մասնագետները մատնանշել են մի շարք խնդիրներ, ինչպես նաև ներկայացրել դրանց վերաբերյալ իրենց լուծումները: 

Էներգետիկայի բնագավառի մասնագետները ողջունել են կլոր սեղանի շուրջ մասնագետներին մեկտեղելու՝ Արթուր Գրիգորյանի նախաձառնությունը և արձանագրել, որ սա նոր  իրողություն է  նախարարության գործունեության  աշխատաոճում:

Նախարարը շնորհակալություն է հայտնել կլոր սեղանի մասնակիցներին շահագրգիռ քննարկման համար և հավելել, որ առաջիկայում նման ձևաչափով հանդիպումներ ևս կլինեն ըստ ոլորտների:

«Նմանատիպ քննարկումների միջոցով նպատակ ունենք ձեր փորձը, գիտելիքը, հմտությունները ներդնել էներգետիկայի բնագավառի արդյունավետության բարձրացման համար»,- նշել է նախարար Գրիգորյանը: