ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿ ԵՆԹԱԿԱՌՈՒՑՎԱԾՔՆԵՐԻ ԵՎ ԲՆԱԿԱՆ ՊԱՇԱՐՆԵՐԻ ՆԱԽԱՐԱՐՈՒԹՅՈՒՆ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿ ԵՆԹԱԿԱՌՈՒՑՎԱԾՔՆԵՐԻ ԵՎ ԲՆԱԿԱՆ ՊԱՇԱՐՆԵՐԻ ՆԱԽԱՐԱՐՈՒԹՅՈՒՆ
Ներկայիս «Ռադիոակտիվ թափոնների վնասազերծում» ՓԲԸ-ն կազմավորվել և իր գործունեությունը սկսել է 1961 թվականին` հատուկ կոմբինատի կարգավիճակով, Երքաղխորհրդի գործկոմի համակարգում, Նուբարաշենի տարածքում: Հետագայում տեղափոխվել է Հայկական ատոմային էլեկտրակայանի հարակից տարածք:
ՀՀ կառավարության 1994թ. օգոստոսի 15-ի թիվ 372 որոշմամբ «Ռադիոակտիվ թափոնների վնասազերծման» Հատուկ կոմբինատի գործունեության բարելավման միջոցառումների մասին որոշման և արդյունաբերության նախարարության 1994թ. սեպտեմբերի 8-ի հրամանով կոմբինատն ընդգրկվել է արդյունաբերության նախարարության համակարգի մեջ: ՀՀ արդյունաբերության և առևտրի նախարարության 1998թ. փետրվարի 9-ի դ 87 հրամանով «Ռադիոակտիվ թափոնների վնասազերծման հատուկ նշանակության» պետական ձեռնարկությունը վերակազմավորվել է որպես «Ռադիոակտիվ թափոնների վնասազերծում» ՊՓԲԸ, իսկ ՀՀ կառավարության 2000թ. հունիսի 14-ի թիվ 315 որոշմամբ վերագրանցվել է որպես «Ռադիոակտիվ թափոնների վնասազերծում» ՓԲԸ:
ՀՀ կառավարության 2006թ. մարտի 23-ի թիվ 407-Ա որոշմամբ «Ռադիոակտիվ թափոնների վնասազերծում» ՓԲԸ-ի պետական սեփականություն հանդիսացող բաժնետոմսերի կառավարման լիազորությունը վերապահվել է ՀՀ էներգետիկայի նախարարությանը:
Ընկերության գործունեությունը
Ընկերությունը զբաղվում է ռադիոակտիվ թափոնների տեղափոխման, վնասազերծման, թաղման և հետագա պահպանման աշխատանքներով: Ընկերության գործունեությունը հիմնված է միջուկային, ռադիոակտիվ և սանիտարական անվտանգության նորմերի խիստ պահպանման վրա:
Ընկերության աշխատանքը պարբերաբար հսկվում է ՀՀ Պետատոմհսկողութան և Ատոմային էներգիայի Միջազգային գործակալության (ԱԷՄԳ) կողմից:
Ընկերության տարածքի ընդհանուր մակերեսը 17000մ2 է և պայմանականորեն բաժանված է «կեղտոտ» և «մաքուր» գոտիների:
Առաջին գոտում գտնվում են ռադիոակտիվ թափոնների երեք պահեստարանները, որոնցից մինչ այժմ օգտագործվում է մեկը: Պահեստարանների ընդհանուր ծավալը 2250 մ3 է: Պահեստարաններում տեղադրված է ձայնային ազդանշանային համակարգ, դոզաչափող սարք, շարժական վերամբարձ կռունկ:
Երկրորդ մասում ադմինիստրատիվ կառույցն է` լաբորատորիան, գրասենյակները, սանիտարական անցակետը, որը միացված է դեզակտիվացիոն կառույցի հետ, որտեղ գտնվում է ռադիոակտիվ թափոններ տեղափոխող հատուկ մեքենան: Ընկերության տարածքը շրջապատված է բետոնյա պատով և փշալարերով, ամբողջ երկարությամբ տեղադրված է ձայնային ազդանշանային համակարգ տեսախցիկներով:
Ընկերությունը սպասարկում է ՀՀ տարածքում գտնվող հիմնարկ-ձեռնարկությունները և իր յուրահատուկ գործունեությամբ միակն է հանրապետությունում:
Ռադիոակտիվ թափոնների վնասազերծման գծով ծրագրի շրջանակներում 2013թ. ընթացքում իրականացվել են հետևյալ աշխատանքները.
Նորոգվել է պահեստարանների պահպանման ազդանշանային համակարգը:
ԱՄՆ էներգետիկայի դեպարտամենտի աջակցությամբ ձեռք է բերվել ռադիոակտիվ նյութեր տեղափոխող հատուկ մեքենա:
Ինչպես պահեստարանում, այնպես էլ ընկերության տարածքում կանոնավոր անց է կացվում ռադիացիոն ճառագայթման մոնիտորինգ: Շուրջ 30 կետերում չափվում է ճառագայթման դոզայի հզորությունը: Կանոնավոր չափվում է աշխատակազմի ստացած անհատական ճառագայթման դոզան, անց է կացվում բժշկական քննություն, գիտելիքների ստուգում:
Գլխավոր տնօրեն` Միքայել Վահրամի Սարգսյան
Հասցե՝ ք. Մեծամոր, ՀՀ Արմավիրի մարզ, 0910
Հեռ.՝ 055-08-88-85
Էլ, փոստ՝ radionarm@yahoo.com