Դեպի վեր

Հայ |  Рус |  Eng

04.05.2017

Հայտարարվել է մրցույթ Հայաստանում առաջին արևային համակարգային կայանի կառուցման համար

Հայաստանում արդյունաբերական մասշտաբի առաջին արևային համակարգային կայանի կառուցման համար ներդրողներ ներգրավելու նպատակով հայտարարվել է միջազգային մրցույթ:

Մրցույթին մասնակցելու համար հրավիրվում են բոլոր այն հավանական հայտատուները, ովքեր կարող են բավարարել նախաորակավորման հրավերով սահմանված որակավորման չափորոշիչներին։ Հայտերի ներկայացման վերջնաժամկետ է սահմանվել  2017թ. հունիսի 16-ը։

Մրցույթի հիմնական պայմաններից մեկը սկագինն է. նախապատվությունը կտրվի այն մասնակցին, որն ավելի ցածր և մրցունակ սակագին կառաջարկի։

Հաշվի առնելով տարեսկզբին անցակացված ներդրումային համաժողովին մասնակից բազմաթիվ ընկերությունների հետաքրքրությունները Հայաստանում արդյունաբերական մասշտաբի արևային կայան կառուցելու նախաձեռնության նկատմամբ, ակնկալվում է, որ մրցույթի մասնակիցների շրջանակը կլինի բավական ընդգրկուն։

Հիշեցնենք, որ կառավարության հավանությանն արժանացած ներդրումային ծրագրի համաձայն, Հայաստանի վեց տեղանքներում նախատեսվում է մինչև 110 մեգավատ հզորությամբ արևային ֆոտովոլտային կայանների կառուցում։ Առաջին փուլում ընտրվել է Գեղարքունիքի մարզի Մասրիկի տեղանք, որտեղ կկառուցվի 55 մեգավատ հզորությամբ կայան։