ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿ ԵՆԹԱԿԱՌՈՒՑՎԱԾՔՆԵՐԻ ԵՎ ԲՆԱԿԱՆ ՊԱՇԱՐՆԵՐԻ ՆԱԽԱՐԱՐՈՒԹՅՈՒՆ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿ ԵՆԹԱԿԱՌՈՒՑՎԱԾՔՆԵՐԻ ԵՎ ԲՆԱԿԱՆ ՊԱՇԱՐՆԵՐԻ ՆԱԽԱՐԱՐՈՒԹՅՈՒՆ
ՀՀ էներգետիկ ենթակառուցվածքների և բնական պաշարների նախարար Աշոտ Մանուկյանը հոկտեմբերի 6-ին հյուրընկալեց <EU-ASIA Business Finance Centre> հոլդինգի նախագահ Աշոտ Գրիգորյանի գլխավորած պատվիրակությանը։ Հանդիպման ժամանակ հոլդինգի նախագահը ներկայացրեց էներգետիկայի և ենթակառուցվածքների ոլորտներում, այդ թվում՝ տարածաշրջանային ծրագրերում ներդրումներ կատարելու վերաբերյալ իրենց մտադրությունները։
Քննարկվեց նաև <Նաիրիտում> ներդրումային ծրագիր իրականացնելու հնարավորությունը։
Ողջունելով <EU-ASIA Business Finance Centre> հոլդինգի նախաձեռնությունները՝ Ա. Մանուկյանը նշեց, որ կառավարությունը պատրաստ է աջակցել ցանկացած ներդրումային ծրագրի իրականացմանը, որը հիմնված է կոնկրետ արդյունքների վրա։
Հանդիպման ավարտին Ա. Գրիգորյանը շնորհակալություն հայտնեց նախարարին՝ բարձրացված հարցերի վերաբերյալ ցուցաբերած դրական մոտեցումների համար։ Պայմանավորվածություն ձեռք բերվեց շարունակել հետագա համագործակացությունը՝ կոնկրետ ներդրումային ծրագրերի շրջանակներում։