Ժամանակավորապես դադարեցվել է Հայաստանի գազամատակարարումը

   2016թ. հուլիսի 10-ից մեկ ամսով դադարեցվել է Հայաստանի գազամատակարարումը։ Այդ մասին Վրաստանի գազատրանսպորտային ընկերությունը պաշտոնապես տեղեկացրել է «Գազպրոմ Արմենիային»։

   Հայաստանին բնական գազի մատակարարման դադարեցումը կապված է Վրաստանի տարածքում «Ղազախ-Սագուրամո» մայրուղային գազատարի վնասված հատվածներում վերականգնողական աշխատանքների իրականացման, գծային փականների փոխման, ինչպես նաև սողանքի շրջանում գազատարի նոր կառուցված հատվածի ներմիացման միջոցառումների կատարման հետ։

   Հայաստանի գազամատակարարումը նախատեսվում է վերականգնել օգոստոսի 10-ից։

    Նշված ժամանակահատվածում սպառողների անխափան գազամատակարարումը կիրականացվի Աբովյանի ստորգետնյա գազապահեստարանի հաշվին։