Հանդիպում KfW բանկի ներկայացուցիչների հետ

ՀՀ էներգետիկայի և բնական պաշարների նախարար Երվանդ Զախարյանը մայիսի   12-ին հյուրընկալել է KfW բանկի (Վերականգնման վարկերի բանկ) ներկայացուցիչներ՝  Արևելյան Եվրոպայի, Կենտրոնական   Ասիայի և Հարավային Կովկասի տարածաշրջանային տնօրեն Էվա Վիթին, տարածաշրջանային տնօրեն  Դավիթ Բետոլացային, ՀՀ-ում ԳԴՀ փոխդեսպան  Նադիա Լիխտենբերգերին և այլ ներկայացուցիչների:    

Հանդիպման ընթացքում զրուցակիցները քննարկել են KfW բանկի ֆինանսավորմամբ իրականացվող Հայաստան-Վրաստան 400 կՎ էլեկտրահաղորդման գծի կառուցման ընթացքը: Կողմերը կարևորել են ծրագրի նշանակությունը էլեկտրաէներգետիկ համակարգերի տարածաշրջանային ինտեգրման առումով:

Կարևորվել է այն հանգամանքը, որ Էլեկտրահաղորդման գծի կառուցմամբ զգալիորեն կխթանվի էներգետիկայի բնագավառում տարածաշրջանային փոխշահավետ համագործակցության զարգացումը, ինչպես նաև կստեղծվի նախապայման` ԱՊՀ երկրների էլեկտրաէներգետիկական համակարգի հետ զուգահեռ աշխատանք կազմակերպելու համար:

Հանդիպման ընթացքում քննարկվել են նաև վերականգնվող էներգետիկայի բնագավառում հնարավոր համագործակցության հարցերը: