Քննարկվեցին էներգետիկ ոլորտին առնչվող հարցերը

Սեպտեմբերի 26-ին ՀՀ էներգետիկայի և բնական պաշարների նախարար Երվանդ Զախարյանն ընդունել է Համաշխարհային Բանկի Եվրոպայի և Կենտրոնական Ասիայի էներգետիկ հարցերով պատասխանատու ղեկավար Ռանջիթ Լամեչին:  

ՀԲ-ի օժանդակությունը Հայաստանի էներգետիկ բնագավառի զարգացման գործում բավականին նշանակալի է եղել: Հանդիպման մասնակիցները նշել են, որ համագործակցության 15 տարիների ընթացքում գրանցվել է մեծ առաջընթաց, որը հետագայում ևս ապահովելու համար անհրաժեշտ է իրականացնել բարեփոխումների երկրորդ փուլը: ՀԲ ներկայացուցիչները պատրաստակամություն են հայտնել   շարունակել համագործակցությունը՝ ի նպաստ Հայաստանի էներգետիկ համակարգի հետագա զարգացման և բարեփոխման: