Երվանդ Զախարյանը հյուրընկալել է Համաշխարհային բանկի ներկայացուցիչներին

Սեպտեմբերի 11-ին ՀՀ էներգետիկայի և բնական պաշարների նախարար Երվանդ Զախարյանը հյուրընկալել է Համաշխարհային բանկի տարածաշրջանային տնօրեն Հենրի Քերալիին և ՀԲ երևանյան գրասենյակի նորանշանակ տնօրեն տիկին Լաուրա Բեյլիին: Հանդիպման ընթացքում քննարկվել են բանկի աջակցությամբ Հայաստանում իրականացվող ծրագրերի ընթացքը, հետագա համագործակցության խնդիրները:

Համաշխարհային բանկի ներկայացուցիչները նախարար Զախարյանին ներկայացրեցին բանկի կողմից մշակված <Հայաստանի էներգետիկական ոլորտի քաղաքականության վերլուծություն> ծանոթագրությունը, որտեղ ներկայացված են Հայաստանի էներգետիկ ոլորտի առջև ծառացած մարտահրավերները և առաջարկություններ` դրանց լուծումների և ոլորտի կառավարման բարեփոխումների ուղղությամբ:

Կողմերը պայմանավորվեցին առաջիկայում փաստաթղթի շուրջ քննարկումներ կազմակերպել ՀՀ էներգետիկայի և բնական պաշարների նախարարությունում:

Նախարար Զախարյանը շնորհավորեց տիկին Լաուրա Բեյլիին նոր պաշտոնի կապակցությամբ և շնորհակալություն հայտնեց Համաշխարհային բանկի ներկայացուցիչներին արդյունավետ աշխատանքի և համագործակցության համար:

Բանկի ներկայացուցիչները ևս բարձր գնահատեցին  Հայաստանի էներգետիկ ոլորտում իրականացվող ծրագրերի արդյունավետությունը: