Ատոմակայանը վերսկսել է էլեկտրաէներգիայի արտադրությունը

Ատոմակայանը վերսկսել է էլեկտրաէներգիայի արտադրությունը

Նոյեմբերի 10-ին, ժամը 11-ն անց 20 ր. Հայաստանի ատոմային էլեկտրակայանը վերսկսել է էլեկտրաէներգիայի արտադրությունը և միացել էներգաարտադրության ցանցին:

Հիշեցնենք, որ ՀԱԷԿ-ը վերալիցքավորման, տարեկան պլանային վերանորոգման, ինչպես նաև անվտանգության մակարդակի բարձրացման նպատակով միջոցառումների ներդրման համար՝ էներգաարտադրության ցանցից դուրս էր բերվել սեպտեմբերի 22-ի գիշերը, ժամը 1-ն անց 20-ին:

Ինչպես տեղեկացնում են ՀԱԷԿ-ից, նախատեսված՝ անվտանգության մակարդակի բարձրացման նպատակով միջոցառումները ամբողջությամբ ներդրվել են, ինչպես նաև, իրականացվել են վերալիցքավորման և պլանային վերանորոգման աշխատանքներ: