ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿ ԵՆԹԱԿԱՌՈՒՑՎԱԾՔՆԵՐԻ ԵՎ ԲՆԱԿԱՆ ՊԱՇԱՐՆԵՐԻ ՆԱԽԱՐԱՐՈՒԹՅՈՒՆ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿ ԵՆԹԱԿԱՌՈՒՑՎԱԾՔՆԵՐԻ ԵՎ ԲՆԱԿԱՆ ՊԱՇԱՐՆԵՐԻ ՆԱԽԱՐԱՐՈՒԹՅՈՒՆ
ՀՀ էներգետիկայի և բնական պաշարների նախարար Արմեն Մովսիսյանը տեղեկացրեց, որ 2011 թվականի ընթացքում տեղի կունենա Մեղրի ՀԷԿ-ի շինարարության մեկնարկը: Կշարունակվեն նաև Իրան-Հայաստան 400 կՎ լարման էլեկտրահաղորդման օդային գծի, ինչպես նաև Վրաստան-Հայաստան 400 կՎ լարման էլեկտրահաղորդման օդային գծի կառուցման աշխատանքները:
Արմեն Մովսիսյանի խոսքով կշարունակվեն բանակցությունները Համաշխարհային բանկի հետ Հրազդան-Շինուհայր 220 կՎ լարման գործող օդային գծի վերակառուցման ծրագրի շուրջ:
Նախարարը առանձնացրեց մի կարևոր ծրագիր ևս, որը վերաբերում է Հայկական ԱԷԿ-ում նոր միջուկային էներգաբլոկի կառուցմանը: Արմեն Մովսիսյանը տեղեկացրեց, որ այս տարի կսկսվեն բանակցությունները ներդրողների հետ:
2011 թվականի հաջորդ կարևոր ծրագիրը Իրան-Հայաստան նավթամթերքատար խողովակաշարի կառուցման գործընթացի կազմակերպումն է:
Ինչ վերաբերում է բնական պաշարների ոլորտին, ապա, այդ մասով 2011 թվականի կարևորագույն խնդիր է հանդիսանում «Ընդերքի մասին» ՀՀ նոր օրենսգրքի և նրանից բխող ենթաօրենսդրական ակտերի ընդունումը: Արմեն Մովսիսյանի խոսքով դրանք կնպաստեն ընդերքօգտագործման ոլորտի կարգավորման գործընթացին և արդյունքում նախադրյալներ կստեղծեն այդ ոլորտում տնտեսական զգալի աճ ապահովելու համար: