Գարեգին Բաղրամյանը հանձնարարել է համապատասխան լուծումներ տալ քաղաքացիների դիմում-խնդրանքներին

ՀՀ էներգետիկ ենթակառուցվածքների և բնական պաշարների նախարարի պաշտոնակատար Գարեգին Բաղրամյանը  հոկտեմբերի 31-ին ընդունել է տարբեր խնդիրներով և հարցերով նախարարություն դիմած քաղաքացիներին:

Ծանոթանալով  քաղաքացիների խնդիրներին, նրանց հուզող հարցերին, լսելով պատասխանատու անձանց դիտարկումները`  նախարարի պաշտոնակատարը հանձնարարել է համապատասխան ոլորտների պատասխանատուներին՝ մանրամասն ուսումնասիրել իրենց իրավասության շրջանակում գտնվող խնդիրները և համապատասխան լուծումներ տալ քաղաքացիների դիմում-խնդրանքներին։

Ընդունելությանը ներկայացած  քաղաքացիների դիմումների զգալի մասին տրվել է դրական ընթացք, որոշ հարցեր էլ լուծվել են հենց տեղում։ 

Հիշեցնենք, որ քաղաքացիների ընդունելությունը տեղի է ունենում յուրաքանչյուր ամսվա վերջին չորեքշաբթի օրը: