Դեպի վեր

Հայ |  Рус |  Eng

26.06.2018

Նախարար Գրիգորյանն ընդունել է ՀՀ-ում ՌԴ դեսպանին

ՀՀ էներգետիկ ենթակառուցվածքների և բնական պաշարների նախարար Արթուր Գրիգորյանը հունիսի 26-ին ընդունել է Հայաստանի Հանրապետությունում  Ռուսաստանի Դաշնության արտակարգ և լիազոր դեսպան Սերգեյ Կոպիրկինին:

Նախարարը շնորհավորել է դեսպանին պաշտոնում նշանակվելու կապակցությամբ և հույս հայտնել, որ երկու երկրների միջև առկա տնտեսական հարաբերությունները նոր թափ կստանան:

Զրուցակիցներն անդրադարձել են էներգետիկայի և հանքարդյունաբերության ոլորտներում հայ-ռուսական փոխգործակցությանն ու զարգացման հեռանկարներին:

Կողմերրը մտքեր են փոխանակել նաև Հայկական ատոմային էլեկտրակայանի շահագործման ժամկետի երկարաձգման և արդիականացման աշխատանքների շուրջ: