Երևանում էր <<ТВЭЛ>>-ի պատվիրակությունը

  <<Էքսպո Ռուսաստան-Հայաստան. 2014>> արդյունաբերական վեցերորդ միջազգային ցուցահանդեսին մասնակցելու նպատակով, հոկտեմբերի 23-25-ը, Հայաստան էր ժամանել <<ТВЭЛ>> ԲԲԸ-ի պատվիրակությունը՝ նախագահ  Յուրի Օլենինի գլխավորությամբ: Պատվիրակությունը հանդիպում է ունեցել ՀՀ էներգետիկայի և բնական պաշարների նախարար Երվանդ Զախարյանի հետ: Հանդիպման ընթացքում քննարկվել են ՀԱԷԿ-ին միջուկային վառելիքի մատակարարման ընթացիկ համագործակցության հարցերը, գործող էներգաբլոկի շահագործման ժամկետի երկարացման գործում ռուսական ընկերությունների մասնակցության և նոր էներգաբլոկի կառուցման ընթացքում ռուսական տեխնոլոգիաների օգտագործման հնարավորությունները:

  <<ТВЭЛ>> ԲԲԸ-ի պատվիրակությունը այցելել է նաև ՀԱԷԿ և տեղում ծանոթացել կայանի գործունեության, ներկայումս իրականացվող  տարեկան պլանային նորոգման և վերալիցքավորման աշխատանքների ընթացքին:

  <<ТВЭЛ>> ԲԲԸ-ի պատվիրակության նախագահ  Յուրի Օլենինի այցելել է նաև  Հայաստանի պետական ճարտարագիտական համալսարան: Համալսարանի ռեկտորի պաշտոնակատար Հովհաննես Թոքմաջյանը երբեմնի շրջանավարտ  Յուրի Օլենինին է հանձնել ՀՊՃՀ բարձրագույն պարգև՝ ՀՊՃՀ Ոսկե մեդալ։